नेशनल एक्टिङ कम्पिडिसन २०१६ को अन्तिम स्पर्धाकालागी ६० जना छनौट

‘नेशनल एक्टिङ कम्पिटिसन २०१६’को पहिलो चरणको अडिसन सकिएको छ। यो कम्पिटिसन युवा युवतीको अभिनय कलाको पहिचान गरि नेपाली चलचित्र तथा अभिनय जगतमा ल्याउने उदलेश्यले आयोजना गरिएको हो।

National-Acting-Compettition

गत असार २२ गते राजधानीबाट सुरु भएको अडिसन देशका बिभिन्न शहर हुँदै पुन राजधानीमा आएर सकिएको हो। विभिन्न क्षेत्रमा आवद्ध करिव एक हजार भन्दा माथिकाले अडिसनकालागी आवेदन दिएको भएता पनि करिब ४०० जना मात्र अडिसनमा सहभागि भए। ति मध्यबाट ६० जना अन्तिम स्पर्धाका लागी छनौट भएका छन्।

अभिनेता दायाहाङ राई, अभिनेत्री रिचा शर्मा, रंगकर्मी अनुप बराल र कलाकार टिका पहारीले संयुक्त रुपमा ति प्रतियोगीहरुलाई ‘नेशनल एक्टिङ कम्पिटिसन २०१६’को अन्तिम प्रतिस्पर्धाकोलागि चुनेका हुन्। छानिएका सहभागीहरुलाइ अन्य चर्चित कलाकारहरुले प्रशिक्षण दिनेछन्।

अन्तिम प्रतिस्पर्धामा टप ४०, टप २०, टप १० र टप ५ गर्दै उत्कृष्ट एक विजेता छानिने छ। विजेताले चलचित्र, म्युजिक भिडियो, बिज्ञापनमा अभिनय अवसरका साथै नगद र बिभिन्न उपहार पनि प्राप्त गर्ने बताईएको छ। यो रियालिटी सो नेक्स्ट मोडल्स नेपालले आयोजना गरेको हो।

YOU MAY LIKE THESE POSTS
Loading...