पुनमको नयाँ फिल्ममा साम्राज्ञी अनुबन्धित

पुनम इन्टरटेनमेन्टले निर्माण गर्न लागेको नयाँ फिल्ममा नायिका साम्राज्ञी राज्यलक्ष्मी शाह अनुबन्धित भएकी छन्। निर्माता पुनम गौतम क्षेत्रीले आफ्नो नयाँ फिल्ममा साम्राज्ञीलाई अनुबन्ध गरेको पुष्टि गरेकी हुन्। पुनमले यसअघि सुदर्शन थापा सँग मिलेर चलचित्र “अझै पनि” निर्माण गरेकी थिइन्।

पुजा शर्मा, सुदर्शन थापा, सुरक्षा पन्त अभिनित नेपाली फिल्म “अझै पनि” [फुल मुभी हेर्नुहोस्]

‘पटकथाको पहिलो ड्राफ्ट तयार भएदेखि नै साम्राज्ञी हाम्रो पहिलो रोजाइमा थिइन्। अन्ततः हामी एक अर्कासँग काम गर्न तयार भएका छौं,‘ उनले भनिन्, ‘एउटा सुन्दर फिल्म बनाउने हाम्रो अभिलाषा साम्राज्ञीको आगमनसँगै झन् मजबुत भएको अनभूति भएको छ।’ फिल्ममा साम्राज्ञीको आगमनसँगै मुख्य भूमिकामा अभिनय गर्ने कलाकारको टुंगो लागेको निर्माता गौतमले बताइन्। फिल्ममा यसअघि नै पुष्प खड्का र रेबिका गुरुङ अनुबन्धित भईसकेका छन्।

साम्राज्ञीको हट एण्ड बोल्ड अवतार [फोटो ग्यालरी हेर्नुहोस्]

नायिका साम्राज्ञीले पनि फिल्मको कथा रोचक लागेकोले अभिनयका लागि राजी भएको बताइन्। ‘इन्टु मिन्टु लन्डनमा पछि जति पनि कथा सुनिरहेकी थिएँ त्यस मध्य यो फिल्मको कथा बिल्कुलै फरक छ। कथासँगै निर्माण टिम पनि राम्रो लागेकाले यो फिल्म गर्न राजी भएकी हुँ,’साम्राज्ञीले भनिन्।

अस्ट्रेलियाको समुद्री किनारमा साम्राज्ञी राज्यलक्ष्मी शाह [तस्विरहरु हेर्नुहोस्]

माघको दोस्रो हप्ताबाट फ्लोरमा जाने फिल्मको नाम भने निर्माण टिमले अहिलेसम्म पनि सार्वजनिक गरेको छैन। बाँकी कलाकार र नामऔपचारिक कार्यक्रम गर्दै सार्वजनिक गर्ने निर्माण टिमको तयारी रहेको छ।

बोल्ड अवतारमा साम्राज्ञीराज्य लक्ष्मी शाह [भिडियो हेर्नुहोस्]

गोविन्द फुयाँलको लेखन रहेको फिल्मलाई नवल नेपालले निर्देशन गर्दैछन्। फिल्मको छायाँकारको रुपमा पनि सञ्जय लामा अनुबन्धित भइसकेका छन्। फिल्ममा अर्जुन पोखरेल र कृष्ण काफ्लेको संगीत रहनेछ। निर्माणमा पुनम गौतमलाई राजा प्रधानले सघाउने छन्।

Loading...