गीतकार र संगीतकारको सांगीतिक यात्रामा २५ वर्ष, रिलिज गरियो रोमान्टिक म्युजिक भिडियो

२५ वर्ष लामो संगीतिक यात्रा तयार गरेका संगीतकार राजु सिंह तथा गीतकार बसन्त वित्यासी थापाले रजत जयन्तीको अवसरमा तिमी मेरो साथि नामक एल्वमको ‘फुल भन्दा कमी छैन’ बोलको गीतको भिडियो सार्बजनिक गरिएको छ। सार्बजनिक गरिएको उक्त भिडियोमा गणेश अग्रवाल, साधना शर्माको अभिनय रहेको छ भने राजेश पायल राईको स्वर, राजु सिंहको संगीत तथा बसन्त वित्यासी थापाको शब्द तथा प्रदिप श्रेष्ठको एरेञ्ज रहेको छ। सञ्जय पाण्डेले निर्देशन गरेको यस भिडियोलाई सुरेश बज्राचार्यले खिचेका हुन्। – भिडियो हेर्नुहोस्

मिलाप मासिकले राजधानिमा आयोजना गरेको भिडियो बिमोचन कार्यक्रममा बोल्दै संगीतकार राजु सिंहले आफ्नो सांगीतिक करियरमा नजरको दोषि बनि, रित्तो सडक जस्ता वित्यासीका गीतले आफ्नो ट्रनिङ पोइन्ट ल्याएको बताउँदै बसन्त आफ्नो गीतको फ्यान रहेको बताए।

संगीत क्षेत्रमा २५ वर्षे लामो यात्रामा धेरै उतार चढाव आए पनि आगामी दिनमा समेत यस्तै सहकार्य रहिरहने बताए भने गीतका रचनाकार बसन्त वित्यासीले हाम्रो यो मित्रता सधैं यसरी नै अगाडि बढिरहने साथै दर्शक, श्रोता र मिडियाको माया पाए अझै राम्रा राम्रा गीतहरु पस्किन सफल हुने बताए।

कलाकार उत्तम केसीले सांगीतिक यात्राको २५ वर्ष वितिसक्दा २०४९ सालबाट रित्तो सडक नामक गीतबाट यहाँसम्म आइपुगेकोमा बधाई दिँदै आगामी दिनहरुमा पनि यो मित्रता रहिरहोस् भन्दै सार्बजनिक भिडिायोलाई समेत शुभकामना दिएका थिए। त्यस्तै मिलाम मासिककी कार्यकारी सम्पादक गीता अधिकारीले पनि शुभकामनाका केही शब्द राखेकी थिइन्।

राजु सिंह र बसन्त वित्यासीका सहकार्यमा एल्वम अविरल, ठुल्नानी, मित्रता, अनुरोध, गहना, दशक, जस्ता एल्वम यस अघिनै सार्बजनिक भइसकेका छन् भने सार्बजनिक भिडियो समावेस एल्वम तिमीमेरो साथि चाँडै बजारमा आउँदै छ। रित्तो सडकमा नजरको दोषी बनी, आश्वासन नदेउ, हिड्दा कहिले काहीँ ठेस लाग्छ, आलो मेरो घाउमा जस्ता वित्यासी र सिंहका चर्चित गीत हुन्।

SUBSCRIBE YOUTUBE CHANNEL

मनोरन्जनात्मक पोस्टहरु

Loading...